|
TUhjnbcbe
- 新手上路
- 53
- 11
- 2020-03-27
|
1#
t
T
发表于 2021-11-03 07:58
|只看楼主
广东人日常餐饮里面 唔可以无一样嘢 就系个个屋企都唔会小嘅靓汤啦 特别系妈妈煲嘅靓汤 阿妈今晚我唔翻嚟吃饭 死仔又唔翻嚟吃 我煲咗汤啊你夜滴翻嚟饮晒佢 唔好浪费我一担心机 系啦系啦阿妈我地除啦 呢个场景系米好熟识呢 系囖 呢个就系汤对于我哋生活嘅重要性 （文章最后有彩蛋） 传统广东煲汤可以分三种 分别系生滚汤/老火汤/炖汤 呢三种汤各有味道各有功效 制作时间亦都系各有长短 生滚汤就唔洗讲啦 而炖汤就真系值得可圈可点 因为炖汤系采用隔水蒸炖嘅方法 利用炖盅做器皿汤汁受热均匀稳定 材料鲜香味同埋营养都唔容易流失 亦即系我们经常讲嘅原汁原味 滋补性相对老火汤更加强 老火汤喺味道好 但系好多研究证明咗 老火汤嘌呤高对身体唔好 所以炖汤系呢三种汤里面为上品 话说 江门街有好多饮汤嘅地方 阿肥近期又在逸豪酒店后面 接近上城摩卡嘅水文局附近 发现咗一家新炖汤店 《有营炖汤》 有营有营喺有营养嘅炖汤咁嘅意思 周边停车方便 餐厅地方唔大餐位亦都唔多 在餐厅旁边横巷里面都可以摆放几张台 一个小型餐厅仔 胜在干净企理坐得都几舒服囖 中国人传统几千年饮食文化 素来会以饮食养生嚟保健 正所谓药膳同源食养正气 只要随手都可得嘅平常食材 其实里面都蕴含住健康嘅奥秘 通过一代又一代百姓寻常之家 传承住各种餐桌上嘅养生美食佳肴 《有营炖汤》嘅炖汤出品 就系围绕著我哋广东人 平常生活息息相关嘅需要 或者祛湿或者清热或者消炎 很多很多嘅功效 （点击图片可以放大） 当你见到一大盅炖汤放在你面前嘅时候 你就觉得总体价钱唔算太贵 因为份量真系好足 可以选择嘅炖汤有十几种 大部分都系我哋广东人常见嘅汤 另外还有各种饭类主食 首先讲讲 《有营炖汤》系用大蒸柜来炖汤 呢的用电嘅大蒸柜炖汤出嚟嘅效果 我哋普通家庭好难做到 因为温度与湿度都可以进行控制同保证 可以最大限度保证出品 原汁原味营养无流失 好啦 现在阿肥就同大家探店评测下 《有营炖汤》嘅出品先 睇下会唔会有惊喜带俾大家 去片 石橄榄炖瘦肉 石橄榄 一个非常陌生嘅名字 阿肥都系要上百度对佢有一个了解 主要功效系清热养阴，化痰止咳， 仲有润肺生津，利湿，消瘀呢的作用 功效咁好咁梗系要试下 首先石橄榄目测好似水稻一样 只是颜色不同带浅绿色 整一粒入口感觉微凉带甘 系果只丝丝入扣嘅甘甜 非常生津 另外观察汤液表面 有一层微黄色胶状物体漂浮 经店家解释 呢个就系佢哋炖汤特色 佢哋炖汤瘦肉系全部用剁碎嘅瘦猪肉 经过蒸笼长时间炖制 就会出现呢一层肉胶 正系一盅汤里面嘅精华所在 呢个汤饮之后非常舒服 特别是喉咙嘅感觉最强烈 回甘可以好耐好耐 真心不错 黑蒜炖软排 黑蒜炖软排 呢道炖汤亦令到阿肥非常欣赏 黑蒜众所周知有抗氧化防癌嘅功效 经过发酵之后嘅黑蒜 已经无咗蒜头特有嘅辛辣味 入口三个字形容 粉糯甜 加上精选带住软骨嘅排骨 熬出一道精彩甜美嘅炖汤 呢个阿肥都建议大家可以试试 其他靓汤 清热解暑、养阴生津、滋肾养肝 又黑又甜嘅 生熟地炖龙骨 最啱长期吃烟熬夜 清热解毒、补心益气嘅 花旗参炖竹丝鸡 仲有 健脾补肺、清热利湿嘅 牛蒡薏米炖龙骨 每一个汤都有佢自己特殊嘅功效 你可以根据自己嘅需要嚟选择 试左几个《有营》嘅炖汤出品之后 讲讲阿肥嘅心得俾大家知道 首先炖汤用料丰富份量充足 头先都讲过啦 系大大嘅一盅 如果你系男女朋友一起 估计一个汤就够你两个人饮 还有味道方面 控制浓淡适中 在饮用途中阿肥无添加过一粒盐 所以话好适合阿肥平时嘅口味 最最重要一点 个汤除咗好饮 饮完之后个人口腔味蕾同埋身心 都真系几舒服 哈哈哈 各种主食 啦啦啦 开始讲主食啦 一个普普通通嘅腊肠饭 腊肠系采用极具东莞特色嘅腊肠 俗语有话 东莞腊肠又短又粗 入口爽脆香醇、肥瘦适中、浓淡相宜 米饭上面有几粒金黄色物体 阿肥开始以为系瑶柱丝 入口其实系咸香嘅炸得金黄嘅 猪膏渣粒 伴住饭香浓郁口感香糯嘅白米饭 真系几好送饭 还有 嘴馋嘅阿肥见到单点有咸蛋 又点咗一只嚟送饭 切开咸蛋个蛋黄金灿灿起沙流油 口感细腻味道咸鲜 就好似吃黄油蟹里面嘅蟹黄一样口感 正 最后 就系隆重介绍一个牛腩饭俾大家 椰香咖喱牛腩饭 牛腩炆得好啉入味 瘦肉软滑牛筋部分就爽滑 还有果的咖喱汁 带住一点醒胃嘅香辣 同埋的白饭搅拌在一起 真系非常好味 钟意咖喱钟意牛腩嘅朋友 真系要去试下呢个饭囖 《有营炖汤》 位于天福路（与大昌怡景湾店同路） 上城摩卡后面水文局旁 从逸豪酒店（国金新翼）转过去又得 交通都好便利 停车又方便 如果唔识路就手机扫描上面个
|
